תנ"ך על הפרק
דברי הימים ב טז
בִּשְׁנַ֨ת שְׁלֹשִׁ֤ים וָשֵׁשׁ֙ לְמַלְכ֣וּת אָסָ֔א עָלָ֞ה בַּעְשָׁ֤א מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶן אֶת־הָרָמָ֑ה לְבִלְתִּ֗י תֵּ֚ת יוֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃וַיֹּצֵ֨א אָסָ֜א כֶּ֣סֶף וְזָהָ֗ב מֵאֹֽצְר֛וֹת בֵּ֥ית יְהוָ֖ה וּבֵ֣ית הַמֶּ֑לֶךְ וַיִּשְׁלַ֗ח אֶל־בֶּן־הֲדַד֙ מֶ֣לֶךְ אֲרָ֔ם הַיּוֹשֵׁ֥ב בְּדַרְמֶ֖שֶׂק לֵאמֹֽר׃בְּרִית֙ בֵּינִ֣י וּבֵינֶ֔ךָ וּבֵ֥ין אָבִ֖י וּבֵ֣ין אָבִ֑יךָ הִנֵּ֨ה שָׁלַ֤חְתִּֽי לְךָ֙ כֶּ֣סֶף וְזָהָ֔ב לֵ֞ךְ הָפֵ֣ר בְּרִֽיתְךָ֗ אֶת־בַּעְשָׁא֙ מֶ֣לֶךְ יִשְׂרָאֵ֔ל וְיַעֲלֶ֖ה מֵעָלָֽי׃וַיִּשְׁמַ֨ע בֶּן הֲדַ֜ד אֶל־הַמֶּ֣לֶךְ אָסָ֗א וַ֠יִּשְׁלַח אֶת־שָׂרֵ֨י הַחֲיָלִ֤ים אֲשֶׁר־לוֹ֙ אֶל־עָרֵ֣י יִשְׂרָאֵ֔ל וַיַּכּוּ֙ אֶת־עִיּ֣וֹן וְאֶת־דָּ֔ן וְאֵ֖ת אָבֵ֣ל מָ֑יִם וְאֵ֥ת כָּֽל־מִסְכְּנ֖וֹת עָרֵ֥י נַפְתָּלִֽי׃וַיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנ֖וֹת אֶת־הָרָמָ֑ה וַיַּשְׁבֵּ֖ת אֶת־מְלַאכְתּֽוֹ׃וְאָסָ֣א הַמֶּ֗לֶךְ לָקַח֙ אֶת־כָּל־יְהוּדָ֔ה וַיִּשְׂא֞וּ אֶת־אַבְנֵ֤י הָֽרָמָה֙ וְאֶת־עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֣בֶן בָּהֶ֔ם אֶת־גֶּ֖בַע וְאֶת־הַמִּצְפָּֽה׃וּבָעֵ֣ת הַהִ֗יא בָּ֚א חֲנָ֣נִי הָרֹאֶ֔ה אֶל־אָסָ֖א מֶ֣לֶךְ יְהוּדָ֑ה וַיֹּ֣אמֶר אֵלָ֗יו בְּהִשָּׁ֨עֶנְךָ֜ עַל־מֶ֤לֶךְ אֲרָם֙ וְלֹ֤א נִשְׁעַ֙נְתָּ֙ עַל־יְהוָ֣ה אֱלֹהֶ֔יךָ עַל־כֵּ֗ן נִמְלַ֛ט חֵ֥יל מֶֽלֶךְ־אֲרָ֖ם מִיָּדֶֽךָ׃הֲלֹ֧א הַכּוּשִׁ֣ים וְהַלּוּבִ֗ים הָי֨וּ לְחַ֧יִל ׀ לָרֹ֛ב לְרֶ֥כֶב וּלְפָרָשִׁ֖ים לְהַרְבֵּ֣ה מְאֹ֑ד וּבְהִשָּֽׁעֶנְךָ֥ עַל־יְהוָ֖ה נְתָנָ֥ם בְּיָדֶֽךָ׃כִּ֣י יְהוָ֗ה עֵינָ֞יו מְשֹׁטְט֤וֹת בְּכָל־הָאָ֙רֶץ֙ לְ֠הִתְחַזֵּק עִם־לְבָבָ֥ם שָׁלֵ֛ם אֵלָ֖יו נִסְכַּ֣לְתָּ עַל־זֹ֑את כִּ֣י מֵעַ֔תָּה יֵ֥שׁ עִמְּךָ֖ מִלְחָמֽוֹת׃וַיִּכְעַ֨ס אָסָ֜א אֶל־הָרֹאֶ֗ה וַֽיִּתְּנֵ֙הוּ֙ בֵּ֣ית הַמַּהְפֶּ֔כֶת כִּֽי־בְזַ֥עַף עִמּ֖וֹ עַל־זֹ֑את וַיְרַצֵּ֥ץ אָסָ֛א מִן־הָעָ֖ם בָּעֵ֥ת הַהִֽיא׃וְהִנֵּה֙ דִּבְרֵ֣י אָסָ֔א הָרִאשׁוֹנִ֖ים וְהָאַחֲרוֹנִ֑ים הִנָּ֤ם כְּתוּבִים֙ עַל־סֵ֣פֶר הַמְּלָכִ֔ים לִיהוּדָ֖ה וְיִשְׂרָאֵֽל׃וַיֶּחֱלֶ֣א אָסָ֡א בִּשְׁנַת֩ שְׁלוֹשִׁ֨ים וָתֵ֤שַׁע לְמַלְכוּתוֹ֙ בְּרַגְלָ֔יו עַד־לְמַ֖עְלָה חָלְי֑וֹ וְגַם־בְּחָלְיוֹ֙ לֹא־דָרַ֣שׁ אֶת־יְהוָ֔ה כִּ֖י בָּרֹפְאִֽים׃וַיִּשְׁכַּ֥ב אָסָ֖א עִם־אֲבֹתָ֑יו וַיָּ֕מָת בִּשְׁנַ֛ת אַרְבָּעִ֥ים וְאַחַ֖ת לְמָלְכֽוֹ׃וַיִּקְבְּרֻ֣הוּ בְקִבְרֹתָ֗יו אֲשֶׁ֣ר כָּֽרָה־לוֹ֮ בְּעִ֣יר דָּוִיד֒ וַיַּשְׁכִּיבֻ֗הוּ בַּמִּשְׁכָּב֙ אֲשֶׁ֤ר מִלֵּא֙ בְּשָׂמִ֣ים וּזְנִ֔ים מְרֻקָּחִ֖ים בְּמִרְקַ֣חַת מַעֲשֶׂ֑ה וַיִּשְׂרְפוּ־ל֥וֹ שְׂרֵפָ֖ה גְּדוֹלָ֥ה עַד־לִמְאֹֽד׃
פירוש על הפרק
בִּשְׁנַת תְּלָתִין וְשִׁיתְּ לְמַלְכוּת אָסָא סְלִיק בַּעְשָׁא מַלְכָּא דְיִשְרָאֵל עַל דְבֵית יְהוּדָה וּבְנָא יַת רָמָתָא מִן בִּגְלַל דְלָא לְמִשְׁבַּק נָפֵיק וְעָלֵיל לְאָסָא מְלִיךְ שִׁבְטָא דְבֵית יְהוּדָה:
וְאַפִּיק אָסָא סִימָא וְדַהֲבָא מִן תִּסְבְּרֵי בֵּית מַקְדְשָׁא דַייָ וּמִבֵּית מַלְכָּא וּשְׁדַר לְבַר הֲדַד מַלְכָּא דַאֲרָם דְיָתֵיב בְּדַרְמֶשֶק לְמֵימָר:
קְיָמָא בֵּין מֵימְרִי וּבֵין מֵימְרָךְ בֵּין אַבָּא וּבֵין אֲבוּךְ הָא שְׁדָרִית לְוָתָךְ סִימָא וְדַהֲבָא אֱזֵל אַשְׁנֵי קְיָמָךְ דְעִם בַּעְשָׁא מַלְכָּא דְיִשְרָאֵל וְיִסְתַּלֵק מֵעִלַוָי:
וְקַבִּיל בַּר הֲדַד מִן מַלְכָּא אָסָא וּשְׁדַר יַת רַבָּנֵי חֵילְוָתָא דִי לֵיהּ לְקִרְוֵי יִשְרָאֵל וּמְחוֹ יַת עִיוֹן וְיַת דָן וְיַת אָבֵל מִמַעַרְבָא וְיַת כָּל בֵּית אוֹצָרִין דִי בְקִרְוֵי נַפְתָּלִי:
וַהֲוָה כַּד שְׁמַע בַּעְשָׁא וּפְסַק מִלְמִבְנֵי יַת רָמָתָא וּבַטִיל יַת עִבִידְתֵּיהּ:
וְאָסָא מַלְכָּא דְבַר יַת כָּל אֱנָשׁ יְהוּדָה וּנְטָלוּ יַת אַבְנֵי רָמָתָא וְיַת קֵסַיָהָא דִי בְנָא בַּעְשָׁא וּבְנָא בְהוֹן יַת גִבְעֲתָא וְיַת סָכוּתָא:
וּבְעִדָנָא הַהִיא אֲתָא חֲנָנִי נְבִיָא לְוַת אָסָא מְלִיךְ שִׁבְטָא דְבֵית יְהוּדָה וַאֲמַר לֵיהּ כַּד אִסְתְּמַכְתָּא עַל מַלְכָּא דַאֲרָם וְלָא אִסְתְּמַכְתָּא עַל מֵימְרָא דַייָ אֱלהִים מְטוּל הֵיכְנָא אִשְׁתֵּיזִיב חֵיל מַלְכָּא דַאֲרָם מִן יְדָךְ:
הֲלָא כּוּשָׁאֵי וְלוּבָאֵי הֲווֹ לְחֵיל סַגְיָא (ס"א סַגִי) לְאַרְתְּכִין וּלְפָרָשִׁין לַחֲדָא וּבְאִסְתְּמָכוּתָךְ עַל מֵימְרָא דַייָ מְסָרִנוּן בִּידָךְ:
אֲרוּם יְיָ עֵינוֹהִי מִסְתַּכְּלִין בְּכָל אַרְעָא לְאִתַקָפָא עִם צַדִיקַיָא דְלִבְּהוֹן שְׁלִים לְוָתֵיהּ אִטְפֵשְׁתָּא (ס"א אַסְכֵילְתָּא) עַל דָא אֲרוּם מִבְּכֵן אִית עִמָךְ סַדְרֵי קְרָבַיָא:
וּרְגַז אָסָא עַל נְבִיָא וּמַנְיֵהּ בְּבֵית אֲסִרַיָא אֲרוּם אִתְנְסֵיס עִמֵיהּ עַל דָא וְשַׁעְבֵּיד אָסָא מִן עַמָא בְּעִדָנָא הַהִיא:
וְהָא פִּתְגָמֵי אָסָא קַדְמָאֵי וּבַתְרָאֵי הָא אִנוּן כְּתִיבִין עַל סֵפֶר מַלְכַיָא דְבֵית יְהוּדָה וּדְבֵית יִשְרָאֵל:
וּמְרָע אָסָא בִּשְׁנַת תְּלָתִין וּתְשַׁע לְמַלְכוּתֵיהּ וְאִתְחַגָר בְּרִגְלוֹי עַד לְעֵילָא אִתְגַבַּר מַרְעֵיהּ וְאוֹף כַּד מְרַע לָא תְבַע אוּלְפַן מִן קֳדָם יְיָ אֱלָהֵן בְּאַסְוָתָא:
וּשְׁכִיב אָסָא עִם אֲבָהָתוֹי וּמִית בִּשְׁנַת חֲדָא וְאַרְבְּעִין כַּד מְלָךְ:
וּקְבָרוּ יָתֵיהּ בְּבֵית קְבוּרְתֵּיהּ דְתַקֵין לֵיהּ בְּקַרְתָּא דְדָוִד וְאַשְׁכְּבוֹהִי בְּמַשְׁכְּבָא דִי מְלֵי בוּסְמִין וְזֵינֵי וְרֵיחָנִין מְבַסְמִין בּוּסְמָנִין עוֹבַד אַסְיָא וְאוֹקִידוּ לֵיהּ יְקֵידַת קֵיסֵי בּוּסְמַיָא (ס"א בּוּסְמִין רַבְּתָא) עַד לַחֲדָא:
תוכן עניינים
ניווט בפרקי התנ"ך
